Exodus 15

Iahova Milaxat Kuh Mol-Isrel Xil e Uruvuol

Eksodas 15:22-25; 16:1-5, 11-31; 17:1-7

22Di, Mosis del mol-Isrel xil labe reling Tas te Pili e labe uruvuol tahal Sur. Xil lakakao melengien tol e uruvuol ak e latakameti oei. 23Di, lamei e rute tei xa oei di en, e oei ak mikon e tavos ti tengan lamun ni. Masak ni, xil lakes rute ak ni 'Marah' xa koute teni be 'mikon'. 24Moletin xil lasep utut ni Mosis labit, “?Rimu naha sung xiak?” Ma Mosis dak kes Iahova nggo sisen, e xi pisen mavulut liei tei mini. Ma Mosis ngguri, miso ni be oei, e oei ak biles mei mikas. Di, moletin xil lakila sung lamu ni.

25